Më mirë të jesh i madh në moshë dhe të mos ngjash i tillë, sesa të jesh i vogël dhe të ngjash më shumë vite. Ky është rasti tipik i aktorit të “Portokalli”, Salsano Rrapi, për të cilin, kur zbuluam moshën na erdhi vërtet çudi.
Aktori ka festuar ditëlindjen, me një festë modeste të organizuar nga kolegët e tij. Ai e ka fshehur gjithmonë moshën e vërtetë, ndërsa më herët ka lënë të kuptohet se sapo ka mbushur të 40-at. Diçka të ngjashme ka bërë edhe dje, kur ka publikuar në rrjetet sociale tortat e dhuruara nga miqtë, por pa zbuluar asnjë detaj për moshën.
Megjithatë, aktori mbush plot 50 vjeç. I lindur në 1967 Salsano sapo mbylli gjysmëshekullin e parë të jetës së tij, fakt që e ka vërtetuar edhe torta e dhuruar nga Florian Binaj, ku mbi të shkruhet 50 %, si për të treguar se ka kaluar tashmë gjysma e jetës. Kush do ta mendonte se një personazh kaq energjik dhe në formë si Salsano do të ishte 50 vjeç?
