Duke marrë frymëzim nga bukuria dhe hijeshia e një mjellme, “Swarovski” po u jep koleksioneve të bizhuterive një kthesë më bashkëkohore dhe moderne.
Nathalie Colin, drejtorja kreative e “Swarovski”-t, komentoi:
“Për dekada me radhë, mjellma ka qenë simboli i përsosur për të përfaqësuar markën Swarovski. Kjo ikonë e feminitetit ka shumë personalitet – ashtu si një pjesë e bizhuterive Swarovski. Një motiv i përjetshëm dhe shumë elegant për çdo rast, është klasik me një hije ari të shndritshme dhe kristal i qartë, por i guximshëm në ngjyrë të zezë – është simboli im i preferuar dhe fokusi i këtij koleksioni “.
Ky koleksion nga “Swarovski” sjell simbolin shumë të njohur: mjellmën që ka përfaqësuar me krenari logon e kompanisë që nga viti 1988 dhe që tani do të bëjë të njëjtën gjë me një seri bizhuterish në koleksion, përfshi këtu varëse, unaza dhe vathë.
Marka ka ndihmuar gjithashtu ikona të modës si, Margaret Zhang dhe Vanessa Hong për të realizuar sete fotosh duke treguar, sesi kjo pjesë e linjës “Swarovski”, mund të inkorporohet në modë.
Blogerja australiane, fotografe, stiliste dhe studente e ligjit, Margaret Zhang kapi kontrastet e natyrshme të koleksionit, duke luajtur me ngjyra të lehta dhe të errëta.
Duke marrë frymëzim nga estetika dhe baleti, sidomos nga historia e Liqenit të Mjelmave, ky koleksion vë në dukje hijeshinë dhe bukurinë e varëses me gur të zi.
Gjithashtu është paraqitur unaza e hapur e Iconic Swan, e cila kombinon një kristal margaritari të bardhë me motivin e mjellmës në kristalin e zi.
Koleksioni i fundit i Swarovskit është dëshmi se një emblemë tradicionale mund të rishpiket në formën e pjesëve moderne, elegante dhe të përdoret, pa komprometuar cilësinë. Atë mund ta gjeni në dyqanin “Swarovski”, në Qendrën Metropol në rrugën “Sami Frashëri” dhe në Qendrën TEG.
Burimi: Iconstyle.al
