Miriam Cani është një ndër këngëtaret më të dashura të publikut shqiptar. Jo vetëm me zërin, por edhe me thjeshtësinë dhe ëmbëlsinë që e karakterizon këngëtarja simpatike ka rrëmbyer zemrat e fansave.
Pasi solli në jetë Amelian, Miriami pati një shkëputje nga bota muzikore duke qenë se iu përkushtua rritjes së vajzës së saj. Fundi i vitit 2017 shënoi rikthimin e saj në botën muzikore me këngën “Dhuratë” në bashkëpunim me Albanin, e cila erdhi si një dedikim për vajzën e tyre në ditën e lindjes.
Ajo është një ndër këngëtaret shqiptare më aktive në rrjete sociale, që i pëlqen të ndajë me fansat momente nga jeta e saj.
Sot Miriami e ka nisur ditën duke iu uruar “Mirëmëngjesi” fansave të saj me një foto ku shfaqet pa pikë grimi. Edhe pse jemi mësuar ta shikojmë në skenë të kuruar në çdo detaj, Miriami na ka befasuar me pamjen e saj natyrale. Mund ta themi me plotë gojë që ajo duket dhe më e bukur pa grim.
