Ashtu siç u njoftua pak ditë më parë, nga viti i ardhshëm do të ndalohet importimi i automjeteve që janë prodhuar mbi 10 vite më parë.
Kryeministri Edi Rama përmes një video tregon arsyet e vendimit të Këshillit të Ministrave, për të ndaluar importin e makinave me vjetërsi mbi 10 vite.
Ai sqaron se vendimi u mor për të siguruar një ajër më të pastër dhe shëndet më të mirë për të gjithë qytetarët shqiptarë.
“Pasojat? 3 herë më shumë ndotje. Një mjet Euro 1 çliron në mjedis 31 herë më shumë grimca të ngurta dhe 12 herë më shumë okside azoti se një mjet Euro 6. Ndalohet importimi i automjeteve mbi 10 vjet në përdorim nga nëntori 2019”, shkruhet në videon e publikuar në “Facebook”.
