Çmimet Webby e shpallën këngëtaren Solange “Artistja e Vitit” për të nderuar “përdorimin e saj të internetit si një forcë për promovimin e komunitetit dhe diversitetit”.
Këngëtarja u shfaq në ceremoninë e ndarjes së çmimeve me një veshje të njohur për syrin tonë. Ajo kishte veshur të njëjtin kostum, nga marka “Seen”, që Elvana Gjata e kishte veshur para disa kohësh gjatë realizimit të një seti fotografik.
“Seen” është një markë e re në Los Angeles, e themeluar nga një stiliste rumune. Shumë të famshëm po përqafojnë stilin e saj origjinal, si këngëtarja rumune Inna, Lady Gaga e shumë të tjera. Në “Instagramin” zyrtar, vëmë re se vetë marka ka postuar më shumë se një herë foto të Elvanës, e cila mban veshur krijimet e saj.
