Edi Rama dhe Linda Rama dolën dje tek sheshi “Nënë Tereza”, që Zaho të argëtohej me lojërat që ka vendosur atje bashkia. Ata qëndruan më shumë se 1 orë atje; Zaho 2-vjeçar pa dritat e pemës së Krishtlindjeve dhe bëri xhiro në karusel dhe pranë tij qëndronte Linda.
Bie në sy se Zaho është rritur mjaft nga hera e fundit kur e pamë me familjen, tek bënte xhiro në qytetin e Korçës në muajin shkurt.
Në fotot e publikuara nga “Panorama” duken edhe njerëzit përreth, të cilët qëndrojnë pak metra më tutje, pa u bërë përshtypje. Prej tri ditësh, tek sheshi “Nënë Tereza” është hapur “Fshati i Festave”, ku janë vendosur lojëra dhe skara që shërbejnë produkte mishi dhe birra.
