Dafina Zeqiri ka mbi 10 vite karrierë dhe që është prezente në skenën muzikore shqiptare. Pavarësisht se ka kaluar një dekadë, ajo vazhdon ende të jetë një nga artistet më në zë të muzikës dhe çdo këngë që realizon kthehet menjëherë në hit.
Gjatë karrierës së saj Dafina ka fituar një sërë çmimesh, të cilat nëna e saj duket se i ka rujatur me shumë fanatizëm. Këngëtarja ka publikuar sot një video me çmimet e shumta që ka fituar ndër vite në festivale e konkurse dhe kjo gjë e ka bërë shumë nostalgjike. Njërin prej çmimeve ajo ka treguar se e ka fituar para 14 vitesh, në kohën kur sapo kishte nisur të ngjitej në skenat e mëdha. Ajo ka publikuar edhe çmimin e parë që ka fituar në vitin 2008 në “Kënga Magjike” me këngën e saj “Bateritë”.
Dafina është shprehur e lumtur që ka pasur mundësinë të përjetojë emocione të vërteta, duke mos u shqetësuar as për klikime në Youtube dhe as për pëlqimet në rrjete sociale.
“Mami im ruan gjithçka! 14 vite! Jam shumë e lumtur që kam përjetuar eksperiencën e vërtetë, jo instagram, jo Youtube, jo pëlqime… publiku dhe unë”, ka shkruar Dafina përkrah videove të saj. përkrah videove të saj.
