Kanë kaluar dhjetë vjet që nga ekspozimi i fundit i Orlando Bloom në ekran, si Will Turner.
Por aktori dukej sikur ishte rikthyer në shtëpi, pas shfaqjes në premierën botërore për filmin e pestë të “Pirates of the Caribbean: Dead Men Tell No Tales”, në Shanghai Disney Resort, Kinë.
Aktori britanik u bashkua me personazhin kryesor të filmit, Johnny Depp në tapetin e kuq, ku dyshja “u sulmua” menjëherë nga fansat.
Orlando ishte përgatitur për natën e tij të madhe, duke veshur një xhaketë të errët dhe kravatë të zezë.
Ndërsa Johnny, i cili luan Jack Sparrow, me një jelek dhe këmishë të zezë të kombinuar me aksesorët, varëse, unaza dhe byzylykë që e bënin të dukej një pirat i vërtetë.
Aktorët u përshëndetën nga qindra fansa që ulërinin në tapetin e kuq, ndërsa yjet e Hollivudit u ndalën të nënshkruanin autografe dhe të shpërndanin përqafime.
Kjo ishte hera e parë që një film i Hollivudit është shfaqur në Kinën kontinentale.
