Pas kthimit nga udhëtimi i radhës në Gjermani, çifti më simpatik i showbiz-it shqiptar, Marina Vjollca dhe Getoar Selimi, i janë kthyer përditshmërisë në Tiranë.
Fotot e fundit paparaci të prezantueses dhe reperit të Babastars janë shkrepur në një qendër tregtare në Tiranë, ku duket se po përpiqen të zgjedhin disa veshje. Meqenëse sektori i veshjeve është ai i meshkujve, me siguri Geti ka nevojë që të ketë asistente edhe partneren e tij për zgjedhjet e rastit.
E veshur sportive dhe pa grim, Marina “është detyruar” të mbajë syze për të mos rënë në sy të kureshtarëve. Në fotot e publikuara nga JOQ, çifti duken duke parë disa veshje sportive. Edhe pse dallohet për stilin e veçantë në veshje, Geti sërish mund të ndihet konfuz para zgjedhjeve. Ose e bën të tillë Marina, e cila, pa dyshim, duhet të japë konfirmimin e saj.
