Ajo prezantoi Shqipërinë në konkursin “Miss World 2008” në Afrikën e Jugut, Johanesburg. Modelja Egla Harxhi, e cila e nisi karrierën në fushën e modës në Shqipëri, vendosi të rikthehej disa vite më pas duke shfaqur anën e saj të errët.
Fillimisht ajo u shfaq nudo për revistën “Utopian” në Paris vitin e kaluar. Në imazhin e publikuar, modelja flokëkuqe zgjodhi të mbante vetëm një palë këpucë me taka shumë të larta, ndërsa mbulonte gjoksin me një çantë kuletë.
Ashtu siç shkruhej edhe në tekst, modelja dukej se ishte kthyer në një femër të lirë. Pakkush nga ata që e njihnin më parë Eglën mund të mendonin se ajo do të ishte kaq e guximshme, nisur edhe nga eksperiencat e mëparshme me fotografinë.
Ajo ishte ende një vajzë e thjeshtë dhe e përkushtuar ndaj mësimeve, që tregonte se uniforma prej shkollareje i jepte shumë dorë për të kursyer kohë para pasqyrës, që vishte atlete dhe xhinse, që mbante në çantë vetëm shkëlqyes buzësh dhe kishte kompleks shpatullat, të cilat do donte t’i kishte më të gjera, që përdorte të brendshme pambuku të rehatshme dhe që ëndërronte të jetonte në Paris, sepse ai qytet e mrekullonte.
Dhjetë vjet më pas, kthehet nga ai Paris që dikur e lakmonte, me pamjen prej një femre fatale. Egla u shpreh publikisht për lidhjen e saj treshe, na prezantoi me partnerin e saj fotograf nudosh dhe së fundmi është në pritje të një fëmije.
Modelja na dha lajmin se ka blerë një shtëpi në një fshat të Fierit dhe do të jetojnë aty të tre së bashku, me vajzën e trekëndëshit të dashurisë, të cilën e prezantoi vetëm pak ditë më parë.
Tani, gjithçka që thotë e bën Egla është kryekëput ndryshe nga çdo gjë që bënte e thoshte dikur. Nuk ka më pamjen prej vajze të ëmbël me flokë të palyer dhe Egla e “vjetër” nuk do ta njihte të “renë”.
Burimi: Iconstyle.al
