Nuk kishte vit që këngëtarja e njohur Elvana Gjata të harronte urimin e veçantë për kantautorin Flori Mumajesi.
Çdo vit, më 23 gusht, ajo publikonte një foto në “Facebook” ose “Instagram”, për të uruar Florin në ditën e tij të lindjes.
Por dje urimi i saj mungoi, të paktën ai publik. Flori festoi 35-vjetorin dhe mori urime nga fansat dhe kolegët, por jo nga Elvana.
Nuk dihet sesi janë marrëdhëniet mes dyshes më të famshme shqiptare, por pas largimit të Elvanës drejt SHBA-ve, u kuptua se mes tyre nuk do të kishte më bashkëpunim.
Më poshtë ne po ju kujtojmë disa nga urimet që Elvana i ka bërë ndër vite kantautorit shqiptar:
23 gusht 2013
“23 gusht. Kjo ditë, emri yt dhe muzika jote do të mbeten më gjatë se 100 vjet. Gëzuar ditëlindjen gjaku im”.
23 gusht 2015
“Kuqezi je ti, vërtet ti. Duke dhënë shpirtin dhe dashurinë tënde, të gdhendur në muzikë, për vendin tënd, për njerëzit e tu. Gëzuar krenari shqiptare!”
