Megan Fox dhe Machine Gun Kelly nuk janë më bashkë. Këtë e ka nënkuptuar vetë aktorja me anë të një postimi në Instagram.
Megan Fox la të kuptohej se ishte ndarë nga i fejuari i saj Machine Gun Kelly pasi ndau një postim të nënkuptuar në Instagram përpara se ta fshinte plotësisht llogarinë e saj në platformë mbrëmjen e djeshme.
Aktorja 36-vjeçare, e cila ishte në një lidhje me reperin 32-vjeçar, që nga qershori i 2020-ës, ka postuar një video në të cilën shfaqet duke djegur një letër dhe një çantë.
Jo vetëm kaq! Meghan ndau edhe një foto të zjarrët me një mbishkrim po aq të “zjarrtë”.
“Ti mund ta shijosh pandershmërinë, është e gjitha mbi frymën tënde” varg ky i shkëputur nga kënga e Beyoncé-s në vitin 2016, Pray You Catch Me, për tradhtinë e burrit të saj Jay Z.
Ditët e sotme një ndarje nuk shokon asnjë, sidomos në Hollywood. Por çfarë e bën interesante ndarjen e aktores me Kelly-n është fakti që ai e ka tradhtuar me dikë të gjinisë së tij, pra me një burrë.
Edhe këtë e nënkuptoi vetë Fox , teksa iu përgjigj një fansi të saj në Instagram i cili e pyeti: A të tradhtoi MGK?
“Mbase “ajo” e bëri, -u shpreh aktorja duke e etiketuar ish-partnerin me përemrin vetorë “ajo”.
Më pas ajo fshiu të gjitha gjurmët e Machine Gun Kelly nga llogaria e saj në Instagram, duke e hequr atë nga lista e personave që ndiqte, përpara se ta fshinte fare llogarinë.
