Nicola Peltz dhe Brooklyn Beckham morën pjesë në sfilatën e Victoria Beckham gjatë Javës së Modës në Paris ditën e sotme. Ata madje kanë pozuar në një portret familjar së bashku me Victoria-n, David, Cruz dhe Harper.
“Nuk mund ta bëja pa ju, ju dua shumë të gjithëve”, shkroi stilistja në mbishkrimin e fotos në Instagramin e saj.
View this post on Instagram
Peltz, e cila u martua me Brooklyn në prill 2022, komentoi: “Një shfaqje e bukur! Ne të duam ty!”
Kjo nuk është hera e parë që Brooklyn dhe Nicola tregojnë mbështetje për Victoria Beckham. Ata ishin aty edhe në shfaqjen e parë të modës të Victoria-s në Paris në shtator 2022, ku u ulën në rreshtin e parv, ndërsa ish-anëtarja e Spice Girl u emocionua.
Kujtojmë se Nicola Peltz dhe vjehrra e saj disa kohë më parë nuk kishin marrëdhënie të mira me njëra-tjetrën. Ato u vunë përballë për shkak të planifikimit të dasmës. Nusja fillimisht kishte për qëllim të vishte një fustan të Victoria-s, por përfundoi me një fustan Valentino, një ndryshim që ndodhi sepse atelieja e Victoria-s “nuk mund ta bënte”, siç shpjegoi më vonë. Tani hatërmbetjet i përkasin të shkuarës.
