Tirana u trondit mbrëmjen e 18 marsit, kur 26-vjeçari Jurgen Kurti u qëllua për vdekje në hyrjen e pallatit ku banonte, nga një breshëri automatiku. Tetë ditë pas ngjarjes së rëndë, në pranga përfunduan tre persona që janë përgjegjës për ekzekutimin e tij, ndërsa vazhdon të jetë në kërkim një i katërt.
Në prangat e policisë ranë Elsi Leventi, 21 vjeç, Alesio Berberi, 33 vjeç dhe Olsi Qalliaj, 22 vjeç, ndërsa është shpallur në kërkim Klodian Bane.
Por si arriti policia të zbulonte atentatorët e 26-vjeçarit nga 4 gabimet e tyre?
Gabimi 1
Katër ekzekutorët dyshohet se do të paguheshin 30 mijë euro, shumë të cilën e kanë përmendur gjatë bisedave mes tyre.
“Ke folur për lekët? Kur do t’i marrim ato lekë?”, është kjo një pjesë e bisedës së zbardhur.
Gabimi 2
Në telefonin e njërit prej të arrestuarve policia ka gjetur emrin e Jurgen Kurtit.
Gabimi 3
Makina me të cilën lëvizën atentatorët ishte në pronësi të të kërkuarit, Klodian Bane, i cili pak para se të kryente vrasjen vendosi targa false. Ishte pikërisht ky moment i kapur nga kamerat që identifikoi autorët.
Gabimi 4
Në momentin që ka shkrepur armën, Klodian Bane, që mendohet se është personi që kreu vrasjen, ishte i pamaskuar dhe disa dëshmitarë e kanë fiksuar fytyrën e tij.
