E gjithë bota po shikon si shpëtim tani për tani vaksinimin për t’i dhënë fund pandemisë së koronacirusit dhe për këtë shtetet e para kanë nisur tashmë vaksinimin e popullatës.
or vendi ynë rrezikon që as vitin që vjen të mos përfitojë në kohë nga shpërndarja e vaksinave nga kompanitë farmaceutike, pasi në kohën kur ne bënim përpjekje për tamponë dhe teste serologjike, bota e kishte zënë radhën për dozat e vaksinave.
Edhe pse Shqipëria aderon në grupin e vendeve që ka firmosur me “COVAX”, një nismë ndërkombëtare që synon të bashkojë burimet midis kombeve të pasura dhe të varfra, për të siguruar një qasje më të barabartë të vaksinave në të gjithë botën, shpërndarja reale e saj do të lërë pas vendet me të ardhura të ulëta dhe të mesme, ku bën pjesë edhe vendi ynë.
Këtë e konfirmon “Forumi Ekonomik Global”, i cili ka publikuar sot një hartë, ku me ngjyrë të gjelbër janë vendet që kanë marrëveshje për t’u përfshirë në vaksinim në fazën e parë të shpërndarjes së saj.
“Forumi Ekonomik Global”, vë në dukje se, Britania e Madhe, po merr dozat e saj të para, e ndjekur nga SHBA-të.
Sidoqoftë, njerëzit në vendet me të ardhura të ulëta mund të duhet të presin disa vite para se të vaksinohen.
Ky duket se do të jetë edhe rreziku i Shqipërisë, e cila sipas parashikimeve më optimiste vetëm nga fundi i vitit 2021, mund të marrë dozat e para të vaksinave anti-Covid.
Vaksinimi në vendet Perëndimore
Vaksinat COVID-19 do të jenë të disponueshme në Europën Perëndimore për herë të parë brenda disa ditësh. Por Forumi Global shtron çështjen se, kujt duhet t’i jepet qasje e hershme.
Zyrtarët e vendeve të zhvilluara po përfshihen në procesin delikat, se cilët do të marrin dozat e para, të cilat janë të kufizuara.
Në Mbretërinë e Bashkuar, e cila u bë vendi i parë perëndimor që dha autorizimin e përdorimit emergjent për një vaksinë COVID-19, shtëpitë e pleqve janë të parat në radhë për dozat që pritet të mbërrijnë javën e ardhshme.
Gjermania gjithashtu do t’u japë përparësi të moshuarve (në varësi të dozave nëse provojnë se janë shumë të fuqishme). Japonia planifikon të lëshojë kuponë për dozat e saj të para për të moshuarit, ndërsa Indonezia planifikon t’u japë përparësi punonjësve mbi moshën 18 vjeç.
SHBA-ja do ta shpërndajë te punonjësit e kujdesit shëndetësor dhe azile të të moshuarve, ku vaksina do të jetë e disponueshme që këtë muaj.
A do të mbërrijë në Shqipëri?
Në Shqipëri, autoritetet kanë deklaruar se dozat e para do të përdoren për stafet mjekësore dhe të sëmurët kronikë, pasi vendi ynë nuk ka qendra të mëdha azilesh.
Njerëzit në vendet e varfra mund të gjenden në pjesën e pasme të linjës globale. “Moderna” mund të kërkojë deri në 37 dollarë për një dozë të vetme nën një program çmimi “më të lirë”, për shembull, megjithëse “AstraZeneca” dhe Universiteti i Oksfordit, janë zotuar të shesin doza për më pak se 2 dollarë.
Ekspertët mendojnë se, shumë banorë të vendeve më të varfra mund të duhet të presin deri në vitin 2024 për vaksinat.
Një nismë ndërkombëtare, “Facility COVAX”, synon të bashkojë burimet midis kombeve të pasura dhe të varfra për të siguruar një qasje më të barabartë të vaksinave dhe ka siguruar qindra miliona doza.
Suksesi i “COVAX” nuk është i sigurt, megjithatë, dhe vende si SHBA-të apo Rusia, kanë vendosur të mos marrin pjesë (SHBA mund të jetë pjesë me administratën e re).
Tek vaksina nuk ka barazi
“Forumi Ekonomik Botëror” shprehet se, interesat kombëtare dhe private po shkelin parimin e drejtësisë shëndetësore. Askush nuk pret me të vërtetë që dozat të shpërndahen në mënyrë të barabartë. Sipas kësaj analize, marrëveshjet lokale të prodhimit ka të ngjarë të ndihmojnë në përcaktimin se, ku shkojnë dërgesat e para, duke lënë pas dore furnizimet afatshkurtra për vendet e varfra dhe të ardhura të mesme.
Pas marrjes së dozave të para në dispozicion, shumë njerëz do të duhet ende të presin javë para se të vaksinohen në të vërtetë. Vaksina e “Moderna”-s kërkon një hendek katër javë midis dozës së parë dhe të dytë të kërkuar.
Vaksinat fillestare do të mbulojnë pjesë relativisht të vogla të popullsisë së secilit vend. Ndërsa Britania e Madhe ka urdhëruar doza për rreth një të tretën e banorëve të saj.
Një problem që mund të lindë ndërsa, dozat bëhen të disponueshme është ngurrimi për t’i marrë ato. Më pak se dy të tretat e punonjësve të kujdesit shëndetësor në SHBA, të anketuar kohët e fundit, thanë se, “do të merrnin një vaksinë COVID-19”.
/Iconstyle.al/
