Greta Koçi është një ndër këngëtaret më të suksesshme shqiptare dhe që numëron një numër të lartë fansash.
Bukuroshja është po ashtu tepër aktive në llogarinë në Instagram dhe herë pas here gjen kohë për ndjekësit që t’u përgjigjet rreth pyetjeve që ata i shtrojnë.
Nëse edhe ju e keni vënë re, pyetja më e shpeshtë që merr këngëtarja është: “Kur do martohesh?”
Lidhur me këtë të fundit ajo ka vendosur që të reagojë duke u përgjigjur në këtë mënyrë: “Kur të vijë momenti!”
Ndërkohë një nga ndjekësit kuriozë i ka shkruar: “Pse të gjithë bazohen tek martesa jote?”
Ndërsa ne përmes përgjigjes së Gretës kuptuam që pyetjen klishe në fjalë (kur do martohesh) ajo e merr me mjaft sportivitet.
“E marr si pyetje shumë dashamirëse pasi unë si natyrë jam shumë familjare dhe e shoh shumë të shenjtë martesën. Kështu që kushdo që pyet rreth kësaj teme, ka vetëm mirësi!”- është përgjigjur Greta.
