Reshjet e dëborës përfshinë ditën e djeshme dhe gjatë mbrëmjes pjesën më të madhe të qyteteve në vend.
Situata është e rënduar në zonat e thella malore, ndërsa qarkullimi vështirësohet në veri-lindje dhe jug-lindje.
Flokët e borës këtë herë kanë zbritur dhe në pjesën e bregdetit, ku gjatë natës në të gdhirë të hënës, Shëngjini u mbulua nga flokët e dëborës.
Në shumë zona të tjera të vendit, trashësia e saj shkon në disa centimetra.
Gjatë ditës së sotme, në shumicën e qarqeve priten reshje, ndërsa në Shkodër, Dibër, Lezhë dhe Elbasan mesatare. Reshjet e dëborës mund të sjellin problematika të ndryshme në transportin rrugor dhe ngrica, si pasojë e uljes së ndjeshme të temperaturave, deri në – 8 në zonat malore.
