Beyonce nuk bën asgjë aksidentalisht. Çdo prezantim albumi, fotografi dhe intervistë është e menduar deri në detaj. Kështu që kur ajo postoi një foto në “Instagram” për të njoftuar shtatzëninë e saj dhe pritjen e binjakëve, bota nisi ta analizonte çdo detaj.
Portreti dhe imazhet e tjera raportohet se janë menduar nga drejtuesi i artit, Awol Erizku. Referencat e tyre janë ndërkombëtare dhe Beyonce bashkë me fotografin duket se e njohin mirë historinë e artit!
“Ajo është nderuar: Nëse ju dëshironi të flisni me Perëndinë, flisni përmes saj. Imazhet që [artisti meksikan Jose Guadalupe] Posada krijoji vijnë nga ilustrimet fetare të së kaluarës dhe Virgjëresha e Guadalupe-s shpesh ka atë sfondin blu dhe vellon e gjelbër”, thotë Jim Nikas, Drejtori i Fondacionit Art Posada. “Populli meksikan e shikojnë atë si nënën e të gjithëve, jo vetëm nënën e Perëndisë. Në mënyrë të qartë, në imazh ka një nënë, e cila është Beyonce. Ju mund të thoni se ajo po e krahason veten me nënën e Perëndisë, por unë nuk mendoj se është mesazhi i gëzimit të madh të amësisë”.
Imazhi i Beyonce përmes detajeve
“Lulet simbolizojnë pjellorinë: ato janë organi seksual i bimëve të lulëzuara. Ato janë simbol i virgjërisë dhe e Virgjëreshës. Fjongo e vogël rreth belit të saj është simbol i virgjërisë së saj. Ngjyrat janë simboli i familjes mbretërore dhe disa perëndive Aztec. Duket sikur Beyonce krijon këtë imazh për të apeluar në një treg të Amerikës Latine”, thotë Jim Nikas
Kjo nuk është hera e parë që Beyonce thërret Virgjërën Mari: Ajo ecte poshtë altarit për te Ave Maria, një lutje katolike për të Virgjëreshën Mari, dhe madje regjistroi një version të këngës për albumin e saj të vitit 2008, “I Am … Sasha Fierce”.
“Lindja e Venusit”
“Është një shkrirje e papritur mes traditave të ndryshme vizuale dhe zhanreve të ndryshëm, nga imazhet mitologjike dhe alegorike, që i bëjnë fotografitë veçanërisht të mrekullueshme. Ajo duket si jo një, prej shumë grave, ose ndoshta gruaja universale dhe nënë njëherësh e Virgjëreshës dhe Venusit, Flora dhe Leda”, shpjegon Geronimus, i specializuar në historinë e artit italian.
Burimi: Harper’s Bazaar
