Gjatë qëndrimit të Beatrix në shtëpinë e “Big Brother VIP”, këngëtarja ka treguar marrëdhënien e saj të ngushtë me vëllain e saj, Alban Ramosaj.
Ajo ka rrëfyer se sa mbështetës është treguar i vëllai, teksa e ka ndihmuar edhe për këngën “Faj”, të publikuar fill pas daljes së saj nga shtëpia më e madhe në Shqipëri.
Ndërkohë, ditën e djeshme në “PRIME”-n e “Big Brother” Beatrix ishte e pranishme në panelin e të të eleminuarvë nga gara, ku bashkë me të, ishte dhe Semi Jaupaj, ish-banorja e cila ka shprehur mospëlqimin për lidhjen saj me Donald Veshajn.
Kështu, Beatrix ka postuar një ‘screenshot’ të një mesazhi që Albani ka dërguar gjatë mbrëmjes.
“Vriti me butësi”, shkruhet tek mesazhi i tij, i cili na nënkupton se mund të jetë një këshillë mbi qëndrimin e këngëtares ndaj Semi Jaupajt, ku kjo e fundit nuk i ka kursyer mimikat mospërfillëse ndaj fjalëve të Beatrix gjatë spektaklit.
Krah mesazhit, Beatrix shkruan:
“Ai është shoku im më i mirë përgjithmonë. Është gjysma ime më e mirë, më bën më të fortë, më shtyn të jem versioni më i mirë i vetes. Nuk e di ku do të isha pa ty. Ai më ka ndihmuar të shoh përtej errësirës, gjithmonë duke më udhëhequr se ku kam nevojë të jem dhe jam përherë falenderuese që e kam në jetën time. Nuk ka fjalë që mund ta përshkruaj dashurinë që ndajmë. Jam shumë falenderuese për ty”.
