Të shumta janë diss-et e thumbimet që Noizy dhe Stresi kanë bërë prej kohësh për njëri-tjetrin dhe të gjithë e dimë se ata kanë qenë kundërshtarë ‘të përbetuar’.
Madje, herë pas here djemtë e të dy grupeve kanë pasur edhe përplasje fizike me njëri-tjetrin, por ndonjëherë është mirë që gjërat t’ia lësh të shkuarës.
Kështu kanë bërë edhe dy reperët shqiptarë, me këngët e të cilëve të gjithë jemi rritur.
Stresi dhe Noizy kanë bërë më në fund paqe dhe kanë falur njëri-tjetrin!
Në videot e tyre live në Instagram, Stresi ka vlerësuar për të disatën herë Noizy-n, ndërsa ky i fundit ka treguar më vonë se pasi ka biseduar me djemtë e tij, kanë vendosur ta falin Stresin.
Kjo ishte një ngjarje e papritur për fansat e të dyja palëve, të cilët deri tashmë përfshiheshin në “përleshje” online me njëri-tjetrin.
Ky ishte edhe një mesazh i mirë nga dy repert për rininë shqiptare, duke qenë se janë shembuj që ndiqen në masë në vendin tonë. l l l
Ndonjëherë , falja është më e mirë se hakmarrja dhe ky ishte rasti më i mirë që e vërtetoi këtë!
Kësaj here, “lufta” e gjatë mes Noizy-t dhe Stresit mori vërtetë fund!
View this post on Instagram
