Këngëtari dhe aktori i njohur Ricky Martin prej disa kohësh është i martuar me artistin suedez me origjinë siriane Jwan Yosef.
Ata janë karantinuar bashkë dhe po e shijojnë shumë kohën me njërit-tjetrin së bashku me 4 fëmijët e tyre, binjakët (Valentino dhe Matteo) që këngëtari i ka nga një nënë surrogato, kur ishte beqar dhe dy të tjerët Renn Martin-Yosef dhe Lucia, të lindur pas lidhjes me Yosef.
Së fundmi Ricky Martin ka shpërndarë një video në Instagram ku shfaqet duke u puthur në buzë me Yosef.
Kjo video vjen si pjesë e klipit të këngës Residente, e titulluar “Antes Que el Mundo Se Acabe”, ku shfaqen disa çifte, përfshirë këtu shumë të famshëm duke u puthur dhe përqafuar.
Në video do mund të shihni Ricky Martin dhe partnerin e tij, Jwan Yosef, Lionel Messi-n dhe bashkëshorten Antonela si dhe Ben Affleck-un dhe të dashurën Ana De Armas.
E veçanta e kësaj video është fakti që edhe Shqipëria ka marrë pjesë nëpërmjet çiftit Kaludia Shehu dhe Eli Senaj.
Ka qenë vetë Residnte që i ka shkruar aktores dhe i ka kërkuar asaj t’i çonte një puthje me partnerin. Pra një puthje në gjuhën shqip.
Ky klip ka ardhur kundër paragjykimeve dhe homofobisë.
“Jemi këtu për të përfaqësuar Sirinë dhe Porto Ricon! Vëlla, faleminderit që u bërë pjesë e këtij mesazhi”, ka shkruar Ricky Martin.
https://www.instagram.com/p/CAMb6ueHBoC/?utm_source=ig_embed
Puthja e tyre ka marrë më shumë rëndësi sepse në këtë vit festohet një përvjetor shumë i rëndësishëm për botën e LGBT.
Kanë kaluar plot 30 vjet që kur në 17 maj 1990 homoseksualiteti u hoq përfundimisht nga lista e sëmundjeve mendore në klasifikimin e Organizatës Botërore të Shëndetësisë.
