Dje ishte një ditë e veçantë për Xhensila Myrtezajn. Këngëtarja festoi 25-vjetorin e lindjes të mbushur me plot surpriza. Që në orët e para të mëngjesit Xhensila u surpizua nga Besi përmes një dedikimi emocionues, për të vazhduar më pas me një mori surprizash të tjera.
Bashkëshorti i saj nuk ishte i vetmi që e emocionoi me urimin e tij këngëtaren simpatike. Kunata e saj, Ana Kallaku nëpërmjet një postimi në Instagram i ka uruar ditëlindjen Xhensilës me fjalët më të ëmbla.
“Gëzuar ditëlindjen e bukura e familjes sonë. Kunata zemrës je”, shkruante Ana në foton ku shfaqet së bashku me Xhensilën.
Dy kunatat duken më të qeshura se kurrë në këtë foto dhe me një ngjashmëri të madhe mes tyre, saqë na bëri të fërkojmë sytë. Këtë gjë e kanë vënë re edhe ndjekësit e Anës në Instagram, të cilët shkruajnë se ato ngjajnë si dy motra.
