Ouchh… Oucchh.. Ouchhh! Të dashura vajza, trajtoni me kujdes partnerin gjatë seksit që të mos e “paralizoni” aty poshtë të shkretin! Nëse jeni plot me energji dhe shumë uri në departamentin e dhomës së gjumit, është e pashmangshme të mos lëndoni penisin e partnerit. Kjo ndodh në rastet kur partneri rrëshqet gjatë seksit, apo ju bëni një lëvizje të papalajmëruara më parë.
Por çfarë është fraktura e penisit?
Si fillim le të mësojmë se çfarë ka brenda penisit: dy grupime indesh të quajtur corpus cavernosum që mbushen me gjak kur penisi kalon në ereksion. Forca që ushtrohet mbi penisin e eksituar mund të prishë këto inde dhe gjaku fillon të qarkullojë edhe në anët e tjera të penisit. Nëse s’mund ta imagjinoni vizualisht, përfytyroni një salçiçe që këputet në mes.
Cilat pozicione e shkaktojnë frakturën tek penisi?
Doktorët kanë zbuluar se cilët janë tre pozicionet më të rrezikshme në shtrat, që janë një kërcënim për penisin. Duket se “doggy style” është ai më i rrezikshmi, ku 41 % të rasteve të frakturës së penisit ndodhin gjatë këtij pozicioni. Ndërkohë që pasohet me pozicionin e “misionarit”, ku mashkulli qëndron lart me 25 %. Në vend të tretë si më i rrezikshmi, është pozicioni “Cow Girl”.
Çfarë ndodh në të tilla raste?
Për fatin tuaj të mirë, frakturat e penisit mund të kurohen plotësisht, por në pjesën më të madhe të rasteve është e nevojshme një ndërhyrje. Më pas mund të bëni sërish marrëdhënie seksuale pas gjashtë apo 8 javësh, gjithmonë duke pasur kujdes të mos e lëndoni sërish.
Paçi fat!
Burimi: The Sun
