Rreziku për klonimin e kartave të kreditit dhe vjedhjen e informacioneve ekziston edhe në Shqipëri.
Tani ka mjaft metoda të sofistikuara të vjedhjes së llogarive bankare, që mund të ndodhin para syve tona dhe të mos e kuptojmë aspak.
Në “Top Story” u fol dje për një prej metodave më të sofistikuara që përdorin piratët e kibernetikës.
Klonimi i kartave kërkon një pajisje të quajtur “Skimmer”, që lexon kartat dhe vendoset nëpër bankomate nga hakerat për të vjedhur të dhënat.
“Vendosin pajisjen në vendin ku vendoset karta në bankomate, aty lexohen të dhënat dhe krijohen kartat e klonuara më pas”, thotë eksperti i sigurisë së informacionit.
Ka një mënyrë për të parandaluar klonimin e kartës tonë bankare dhe kjo kontrollohet sa herë e përdorim:
“Janë disa pajisje që kontrollojnë bankomatet. Kanë një dritë që pulson bankomatet, nëse nuk pulson, kujdes se mund të ketë pajisje që vjedh të dhënat”, tha eksperti.
