Llojet e dëmshme të mykut në shtëpinë tuaj mund të shkaktojnë alergji, helmim ose infeksione patogjene. Simptomat më të shpeshta të lidhura me mykun, janë alergjitë dhe astma.
Simptomat e ekspozimit ndaj mykut varen nga personi, gjatësia e ekspozimit dhe llojet e mykut. Ekspozimi ndaj mykut mund të shoqërohet njëkohësisht me ekspozimin ndaj mikrobeve ose baktereve, të cilat mund të shkaktojnë probleme më vete, ose mund të përkeqësojnë sëmundjet ekzistuese.
Studime të ndryshme kanë zbuluar lidhje të mundshme midis simptomave të mëposhtme dhe ekspozimit ndaj mykut. Lagështira krijon probleme me frymëmarrjen dhe mushkëritë. Kollitja, rrjedhja e hundëve, ethet shoqërohen zakonisht me ekspozimin e mykut të të gjitha llojeve. Ekspozimi i vazhdueshëm ndaj mykut në ambientet e banimit ose të punës, mund të dobësojnë kujtesën tuaj dhe të përkeqësojnë sëmundje të tilla si ajo e Alzheimerit.
Një studim i vitit 2013 zbuloi se 93% e personave me lodhje kronike rezultuan pozitivë për praninë e mykut në organizëm. Të vjellat, diarreja dhe dhimbjet e barkut janë simptoma të problemeve me tretjen, që lidhen edhe me ekspozimin ndaj ambienteve me prani të mykut. Sa më gjatë të jetoni ose të punoni në ambiente ku ka prani të mykut, aq më serioze mund të bëhen simptomat tuaja.
