Një prej rregullave të arta të udhëtimit është të mësoni sa më shumë që të mundeni për kulturën, etikën dhe zakonet e një vendi para se ta vizitoni.
Diçka e tillë do t’ju mbrojë nga situata të sikletshme që mund të përjetoni në vendin që po vizitoni.
Këto janë disa zakone në vende të ndryshme të botës:
Mos e prekni kokën
Në vendet e Azisë Juglindore, si Tajlanda dhe Malajzia, duhet të keni kujdes kur prekni njerëzit pasi nuk lejohet që të preket koka për arsye se koka konsiderohet si pjesa më e shenjtë e trupit.
Numëroni trëndafilat nëse do t’i dhuroni një buqetë me lule një personi në Rusi
Në Rusi nëse doni të dhuroni një buqetë me lule, lulet në buqetë duhet patjetër të jenë me numër tek, pasi buqetë me numër çift u dhurohet vetëm të vdekurve. Lulet me numër tek janë për ngjarje të lumtura, ndërsa ato me numër çift për vdekje.
Mos flisni me të gjithë
Në vendet e Europës Perëndimore nuk është aspak e këndshme të flasësh me të panjohurit. Diçka e tillë cilësohet si shpërqendrim dhe duke pasur parasysh se koha është e shenjtë për të gjithë konsiderohet si humbje kohe.
Mos lini ushqim në pjatë në Itali
Kjo nënkuptohet sikur nuk ju ka shijuar ushqimi dhe një gjë e tillë konsiderohet si mosrespektim ndaj personit që gatuan. Ndaj, këshillohet se nëse nuk jeni shumë të uritur porosisni racion më të vogël.
Mos takoni gotat
Në Hungari mund të ngrini dolli pa takuar gotat. Një veprim i tillë lë të kuptojë se fitorja është te armiku dhe jo te ju, ndërsa të ngresh dolli pa takuar gotat do të thotë që fitorja është me ju.
