Një studim shqetësues ka nxjerrë në pah një të vërtetë rrëqethëse rreth numrit në rritje të përdoruesve të drogës në një qytet, i cili nuk njihet aspak për transgresionin apo të rinjtë problematikë…
Por, shifrat tregojnë se San Francisco është qyteti ku numri i të varurve nga droga është më i madh se nxënësit e shkollave të mesme.
San Francisco është një nga qytetet më produktive në botë dhe në të njëjtën kohë selia e disa prej bizneseve më kreative duke përfshirë “Twitter”, “Uber”, “Lyft” apo “Fitbit”etj. Ky qytet është edhe shtëpia e Luginës së Silikonit, praktikisht vendi më produktiv në botë për sa u përket bizneseve novatore dhe teknologjisë së fundit.
Por abuzuesit e drogës kanë pushtuar disa nga lagjet e tij më të dendura e të populluara si dhe pjesën më të madhe të rrethit qendror të biznesit.
Vlerësimet më të fundit nga Departamenti i Shëndetit në qytet tregojnë se ka rreth 24,500 përdorues të drogës me injeksion në San Francisco – plot 8,500 njerëz më shumë se gati 16,000 nxënësit e regjistruar në 15 shkollat e mesme të Distriktit të Unifikuar Shkollor të San Francisco-s.
Përdorimi i hapur i drogës në trotuaret e qytetit është kthyer në një problem real në San Francisco dhe shumë qytete të tjera amerikane.
