Kompania e madhe “Philips” ka kërkuar tërheqjen e menjëhershme nga tregu të një produkti që shitet për fëmijët edhe në vendin tonë!
Bëhet fjalë për një monitor dixhital për bebe, i cili rrezikon të voglin tuaj për shkak se bateria e tij mbinxehet, duke u bërë shkak për zjarr.
Inspektorati Shtetëror i Mbikëqyrjes së Tregut ka paralajmëruar të gjithë prindërit shqiptarë të bëjnë kujdes përmes një njoftimi publik:
Njoftimi:
Njoftimi i kategorisë masë parandaluese, nëpërmjet një letre njoftimi PHILIPS kërkon tërheqjen nga tregu të produktit “Monitor video dixhital për bebe (Avent Digital Video Baby Monitor SCD620)”, prodhuar në periudhën Janar 2016 – Mars 2018. Philips kërkon tërheqjen nga tregu të këtij produkti pasi ka zbuluar që në raste shumë të rralla, bateria në njësinë qendrore mund të mbinxehet. Ky mund të jetë një rrezik potencial zjarri dhe nga kombinimi i shkallës së dëmtimit dhe probabilitetit ka rezultuar që i përket rrezikut të ulët”, thuhet në njoftimin e ISHMT.
Përshkrimi i produktit:
Emri i produktit: Monitor video dixhital për bebe (Avent Digital Video Baby Monitor)
Marka: Philips; Modeli: SCD620
