Kujdes! Koronavirusi mund të manipulojë edhe trurin/ DM: Ja si po kërkon virusi të ndryshojë sjelljen që të shumohet

Lexo edhe :

Bukurie Mata mes lotësh: Ende festoj ditëlindjen e Bleones në shtëpi

18:27 16/12/25

FIFA shpall golin më të bukur të vitit 2025

17:56 16/12/25

Në shumë raste na ka ndodhur që të dëgjojmë shkencëtarët se virusi i Covid-19 ka “ndyshuar trajtë” ose ka pësuar “transformim”, por në asnjë rast nuk jemi interesuar të dimë më tej.
Në fakt hulumtimet e fundit jo vetëm që kanë zbuluar se virusi COVID jo vetëm që është kamufluar, por ai ka nisur që të individ të caktuar të sulmojë edhe trurin.
Disa studiues kanë hapur “alarmin” se viruset, si ky që shkakton Covid-19, jo vetëm që synon të sulmojnë trurin tonë por edhe të na diktojë të ndryshojmë sjellje, duke zgjatur në këtë mënyrë pandeminë.
Ky është një sugjerim që vjen nga shkencëtarët amerikanë, shkruan “Daily Mail”.
Sipas gazetës së njohur, shkencëtarët kanë zbuluar se, koronavirusi mund të manipulojë sjelljen e personave të infektuar, ndonjëherë edhe përpara se të shfaqen simptomat, duke i bërë ata më të shoqërueshëm. Në këtë mënyrë, virusi siguron shumimin dhe përhapjen më të madhe.
Në fakt, të tilla efekte të virusit, të njohura si ‘manipulimi i sjelljes së bartësit’ nuk janë diçka e re, madje janë raportuar më parë edhe për virusin e gripit dhe atë të tërbimit.
Teoria është se, patogjenët e bëjnë këtë gjë për të maksimizuar shkallën e riprodhimit. Në këtë mënyrë, përmes përhapjes, virusi siguron mbijetesën.
Shkencëtarët e Universitetit Shtetëror të Nju Jorkut thonë se Covid-19 mund të jetë duke ndryshuar sjelljen e personave që infektohen për të bërë të mundur që ata të transmetojnë sa më shumë virusin.
Një ide është se, kjo ndodh gjatë periudhës së inkubacionit, kur personat e infektuar nuk shfaqin simptoma. Shkencëtarët kanë zbuluar se virusi futet në një pjesë të trurit, e njohur si korteksi anterior, që kujdeset për sjelljen sociale të njerëzve.
Duke manipuluar këtë pjesë të trurit, virusi bën që njerëzit në vend që të ruajnë distancimin, të mblidhen më shumë me njëri-tjetrin.
Një shkencëtar i njohur britanik, Frank Ryan thotë se, virusi mund ta bëjë këtë gjë edhe duke ndikuar te niveli i hormoneve. Në këtë mënyrë ndryshohet sjellja, duke na bërë më të shoqërueshëm në një kohë kur duhet të rrimë sa më larg njëri-tjetrit.
/Burimi: Daily Mail/Përktheu: Iconstyle.al/