Dasma e Besit dhe Xhensilës pushtoi të gjitha mediat dhe u kthye në një temë bisede nëpër kafene.
Dyshja simpatike ka kurorëzuar në martesë lidhjen e tyre 7-vjeçare edhe pse ndoshta dikush mund të ketë menduar se mund të kenë pasur më shumë vite bashkë.
Në një ceremoni të konceptuar si përralla e Hirushes, Besi dhe Xhensila i dhanë fund beqarisë së tyre. Gjatë një interviste për “Gazetën Shqiptare” Besi ka rrëfyer se, martesa nuk ka ndryshuar shumë në marrëdhënien tij me këngëtaren bukuroshe.
“A thua se unë kam 50 vjet beqar dhe tani më ka ndryshuar jeta me martesën. Në kohën e sotme jeta më ndryshon kur të vijë fëmija. Kam 7 vjet me Xhensilën dhe s’ka asnjë ndryshim”, ka thënë aktori humorist.
I njohur për sensin e tij të humorit, Besi është shprehur se është lodhur duke parë një javë rresht fytyrën e tij në rrjetet sociale dhe nuk ka faj për hir të së vërtetës.
“Po mërzitem vetë, jo më të tjerët. Kam 1 javë që sa hap ‘Facebook’-un, më del veç surrati im. Mos prapë!”, ka thënë me shaka aktori.
Gjithashtu aktori i humorit është pyetur edhe për thashethemet që kanë qarkulluar së fundmi për Xhensilën se është shtatzënë, por kjo ka mbetur sërish si thashethem pasi nuk është marrë asnjë përgjigje nga Besi.
Refuzimi nga ana e aktori na shton më shumë dyshimet se çifti do të bëhet prindër së shpejti, gjithsesi kjo mbetet për t’u parë.
