Një nga problemet që mund të kenë me njohjet e reja vajzat është nëse AI e ka seriozisht apo e gjitha është vetëm sa për seks. Një 22-vjeçare i shkruan ekspertes së “Elle”, E. Jean, për situatën e saj dhe merr përgjigjen e duhur:
Jam 22 vjeçe dhe po kaloj një periudhë të vështirë, sepse a) Jam me të vërtetë e ëmbël dhe konservatore, nuk jam në kërkim të aventurave dhe nuk dua të kem sa më shumë meshkuj të jetë e mundur dhe b) djemtë në kohët e sotme kryesisht e kanë mendjen të argëtohen, të dehen dhe të mos i marrin lidhjet seriozisht, gjitha këto i përsërisin në fundjavën e ardhshme (me një vajzë tjetër).
Pyetja ime është: Ku mund të gjej një djalë i cili të jetë i ëmbël, argëtues dhe i bukur, por mbi të gjitha të mos vërë seksin mbi gjithçka? Sepse e njëjta histori me ka ndodhur me 3 djem në 6 muajt e fundit…! Unë meritoj një djalë të mirë që të kemi një lidhje romantike. Sepse lidhjet e sotme “seks dhe më pas lamtumirë” janë me të vërtetë zhgënjyese!
E. Jean: Stop, e dashur: Gjithçka do të shkojë mirë. Më beso. Gjithçka varet me hierarkinë shoqërore, e ndoshta ti je duke kërkuar në vendin e gabuar. Ne përgjithësisht zgjedhim të rrimë me të ngjashmit e grupit tonë, kështu funksionon edhe hierarkia seksuale.
Ndaj ndalo së qëndruari në mjedise me djem që dinë vetëm të pinë dhe të bëjnë seks. Djemtë që ti përshkruan se pëlqen, mund t’i takosh duke bërë aktivitete sportive, në galeri arti dhe pse jo edhe në natyrë. Do të keni kohë për të biseduar për shumë tema para se të përfundoni në krevat! Sepse në varësi të tyre edhe mund të mos përfundoni!
Burimi: Elle
