Prej disa kohësh tashmë, këngëtarja Vesa Luma, partneri i saj Big Basta dhe vogëlushi i tyre Liani, po jetojnë në Zelandën e Re.
Ishte Big Basta ai që shkoi fillimisht në vendin e huaj, për t’u stabilizuar e për të marrë më pas me vete edhe familjen e tij.
Megjithëse larg Shqipërisë, Vesa dhe Big Basta përpiqen të qëndrojnë sa më pranë fansave të tyre dhe janë tepër aktivë në rrjete sociale.
Në Instagram, Vesa ndan vazhdimisht momente nga përditshmëria e tyre, por videoja e fundit e publikuar na e bëri zemrën mal!
Ajo dhe i biri e nisin çdo ditë me këngë shqip, të cilat ia këndojnë mamasë së Vesës në videocall.
“Na mungon shumv gjysha, por kujdesemi t’i këndojmë çdo mëngjes me Viber.”-shkruan këngëtarja krahas postimit.
Që në moshë fare të vogël, Vesa dhe Big Basta e kanë mësuar Lianin me dashurinë e krenarinë për atdheun, ndaj ai është një patriot i vogël që na kënaq çdo herë me videot e tij.
