Këngëtarja Ledina Çelo ka ndarë disa rrëfime nga jeta e saj për fëmijët në emisionin “Në Kurthin e Piter Panit”.
Ashtu si çdo prind, Ledina nuk mund t’i shpëtonte pyetjes që bën kuriozë të gjithë të vegjlit: Si bëhen fëmijët?
Megjithatë duke pasur dy fëmijë, një vajzë dhe një djalë, këngëtarja ishte e përgatitur për përgjigjen që do të jepte:
“Këtë pyetje ma ka bërë edhe djali im. Çdo fëmijë ia bën këtë pyetje mamit. Aty tek barku i mamit ka një shtëpizë me mure. Kur mami dhe babi duhen shumë, puthen dhe përqafohen, krijohet një qelizë që rritet, rritet derisa bëhet bebi që pastaj lind”, tha Ledina.
Por ajo nuk e kishte menduar pyetjen pikante të njërit prej fëmijëve, që ishte i interesuar për të ditur më shumë për buxhetin e familjes së saj. Duke u bazuar në fotot e këngëtares në vende të ndryshme dhe pushimet ekzotike, pyetja ishte: “Ku i gjen gjithë ato lekë ti që bën pushime aq të bukura?”
“Ne punojmë shumë. Unë dhe burri im kemi një kompani me 500 punonjës. Unë mbaj kontabilitetin e familjes sime… Punë, punë natë e ditë”, tha Ledina duke zbuluar për herë të parë që është e angazhuar me biznesin e bashkëshortit, Naim Kabashi në Gjermani.
