Për dekada të tëra, Hollivudi vendosi një standard të rreptë: buzëqeshjen “perfekte” me dhëmbë të bardhë e të drejtë, rezultat i fasetave dhe stomatologjisë kozmetike. Një buzëqeshje që gjithmonë ka simbolizuar suksesin, por që shpesh u ka vjedhur fytyrave karakterin e tyre të vërtetë.
Megjithatë, sot kjo tendencë po ndryshon. Ekranet janë të mbushura me fytyra që tregojnë dhëmbët e tyre të vërtetë – me papërsosmëri të vogla, boshllëqe ose mbivendosje. Publiku duket se identifikohet më shumë me këtë autenticitet , duke e gjetur atë më njerëzore dhe më simpatike sesa “buzëqeshjen perfekte” të ngurtë.
Një nga zërat më të zhurmshëm të këtij ndryshimi është Aimee Lou Wood. Aktorja e re britanike, të cilën e takuam përmes Sex Education dhe së fundmi shkëlqeu në The White Lotus, nuk ka frikë të flasë për buzëqeshjen e saj. “Gjithmonë ndihesha çuditshëm për dhëmbët e mi, por tani e kuptoj se janë ato që më bëjnë të dallohem“, pranon ajo.
Në një epokë kur presioni për t’u konformuar është i jashtëzakonshëm, Wood guxon të jetë ndryshe. “Njëherë mendova t’i drejtoja , por pastaj kuptova se kjo do të më bënte të dukesha si të gjithë të tjerët. Dhe unë nuk dua të dukem si të gjithë të tjerët ” , thekson ajo.
Buzëqeshja e saj u bë simbol i kësaj estetike të re që i jep përparësi personalitetit mbi përsosmërinë. “Buzëqeshja ime thotë kush jam unë – dhe kjo papërsosmëri është pjesë e identitetit tim ”, shpjegon ajo .
Ky trend nuk është vetëm në ekran, por edhe në kulturën e përditshme të bukurisë. Gjithnjë e më shumë njerëz po gjejnë lehtësim duke parë aktorë dhe figura publike me dhëmbë natyralë, sepse kjo u lejon atyre të identifikohen me veten. Siç vëren Wood, “Ka një fuqi në të parin e diçkaje reale. Të bën të ndihesh sikur përshtatesh me imazhin e bukurisë.”
