Arjan Konomi është përplasur disa herë në studio me opinionistët e tjerë të “Për’puthen Prime”, Fatma Haxhialiu dhe Meridian Ramçaj. Ky i fundit debatoi ashpër me Arjanin disa javë më parë, pasi akuzoi Ledjanën se ka lidhje jashtë programit dhe nuk e pohon. Konomi nuk i pranoi akuzat e ish-banorit të Big Brother dhe po ashtu as Ledjana.
Nga ana tjetër Fatma Haxhialiu bëri një postim të gjatë në rrjete sociale disa ditë më parë kundër Arjan Konomit. Ky i fundit ju tha djemve gjatë njërës prej puntatave të programit se duhet t’u bëjnë më shumë komplimente vajzave, sepse kjo është një mënyrë për t’i bërë për vete.
“Nuk dëgjova një djalë t’i thotë një vajze më pëlqejnë këmbët e tua, flokët e tua, fund-shpina jote se atë shohin djemtë. Pra të mikloni”, tha Arjani.
Kjo deklaratë e tij nuk u prit mirë nga Fatma, që e cilësoi si shumë seksiste, pasi sipas saj vajzat nuk janë lodra seksi për t’ju thënë fjalë të tilla.
Ditën e sotme Arjani i ka hedhur një thumb Fatmës,, por edhe opinionistëve të tjerë të programit. Ai ka publikuar një foto nga ambientet e “Top Channel” dhe përkrah ka shkruar:
“Për opinionistë nuk ka rënë inflacioni, por flama”.
Kështu, Meridian Ramçaj i është përgjigjur opinionistit, duke publikuar në InstaStory një foto të tijën me mbishkrimin:
“Të të bjerë flama personalisht është diçka që e vuan ti.. Por kur je një virus që nuk ka vaksinë që të ndalon me helmet që injekton dhe personat që dëmton, atëherë duhet t’i vësh duart kokës, se kthehesh në një pandemi që të gjithë duan ta shporrin. Hap krahun.”- ka shkruar Meridiani.
Epo, luftën e deklarojmë të hapur!
