Një ditë pas lajmit të vrasjes së shqiptarit Albert Bako në burgun grek, një tjetër bashkëkombës i dënuar ka humbur jetën.
Mësohet se, një shqiptar është gjendur i varur në qelinë e burgut në Agios Nikolaos, në Kretë.
Lajmi publikohet nga mediat greke, ndërsa nuk bëhet ende i ditur emri i shqiptarit.
Autoritetet dhe shërbimi mjekësor u njoftua menjëherë, por nuk kanë mundur ta shpëtojnë shqiptarin.
Ende nuk dihen arsyet që e kanë shtyrë shqiptarin të ndërmarrë këtë akt, ndërsa po punohet për zbardhjen e rrethanave të ngjarjes.
Kujtojmë se një ditë më parë në burgun e Koridalosit, u gjet i vrarë me thikë Albert Bako.
Ky i fundit ishte në burg pasi në nëntor të 2014-s hapi zjarr me kallashnikov në një lokal në Pire, duke plagosur 14 persona. Gjithashtu, së bashku me një tjetër person dyshohej si porositësi i atentatit ndaj avokatit grek Antonopoulos.
