Në një lidhje direkte në llogarinë e tij në Facebook, kryeministri Edi Rama shprehu mirënjohjen për uniformat e bardha që janë në krye të detyrës në këtë situatë të vështirë.
Ai u shpreh se në javët në vijim numri i të prekurve do të rritet, ndaj është e rëndësishme “t’i dimë vlerën” mjekëve që po qëndrojnë në krye të frontit të luftës.
Për këtë arsye, të gjithë mjekët dhe vullnetarët do të marrin një bonus prej 1000 eurosh.
“Për të gjithë mjekët dhe infermierët që janë aktualisht në atë vijë zjarri, paga e marsit do të jepet me një bonus prej 1000 eurosh. Do të vazhdojë mbi rrogën edhe në muajt në vijim, deri në përfundimin e kësaj lufte.
Ky bonus do t’i jepet edhe të gjithë vullnetarëve që do të thirren në front dhe është më e pakëta në fakt që ne mund të bëjmë për bluzet e bardha të cilat përsëri, njësoj si pas tërmetit, por këtë herë në një situatë pakrahasimisht sfiduese për ta, po e tregojnë se sa të padrejtë jemi kur vetëm i shajmë dhe i përbaltim mjekët dhe infermierët me lloj lloj komentesh në jetën e përditshme.”- shprehet ndër të tjera Rama gjatë fjalimit të tij.
https://www.facebook.com/edirama.al/videos/1270147149853520/
