Ndërkohë që të gjithë po flisnin për udhëtimin e kryeministrit Edi Rama në Torino me charter, kreu i qeverisë i befaqoi të gjithë ndjekësit e tij në Instagram me disa foto.
Ai kishte shkuar për të ndjekur nga afër ndeshjen Juventus-Lazio, por ky udhëtim nuk kishte shpëtuar pa realizuar një foto me futbollistin e njohur Cristiano Ronaldo, i cili ka vetëm pak javë që është bërë lojtari i Juventusit, skuadrës italiane për të cilën Rama bën tifo.
Të dy kanë pozuar pranë njëri-tjetrit, ndërsa pas një bisede të shkurtër shihen duke buzëqeshur.
Në njërën nga fotot, Rama mban në duar një bluzë të Juventusit, e firmosur nga futbollisti i njohur dhe me siguri lojtarë të tjerë të ekipit.
