Gjatë ditës së sotme, kryeministri i vendit Edi Rama u shpreh se ish-zëvendësministri Taulant Muka, nuk është asgjë tjetër veçse “larvë politike”. Nga ana tjetër, Rama nuk la pa përmendur listën e gjatë të kërkesave të tij në lidhje me kushtet e punës.
“Taulant Muka kërkoi takim me një grup pedagogësh. Larvë politike, nuk i ka shkuar mendja atij t’ua thotë. Këtë e nderova më shumë seç ky është i nderuar. Çfarë bëri ky ditën e parë. Dua veturë me shofer. Po banjën pse nuk e kam në zyrë? Po, kjo, po ajo? Babain e dua shofer në ministri. Mund të jesh shkencëtar, por kjo s’do të thotë asgjë. Jep dorëheqjen papritur. Një larvë, kaq, këtë mendoj unë për të”, – tha Edi Rama.
Studiesi Taulant Muka nuk ka qëndruar i heshtur pas deklaratës së kryeministrit, teksa thumbon përmes një postimi në “Facebook”.
“Keni bërë shumë gabime, që shprehen në revoltën e rinisë së shpresës. Unë sot nuk do merrem me ju, se ju këtë doni. Unë do merrem me sovranin, rininë. Ju nuk keni ngrohje, juve nuk ju trajtojnë me dinjitet. Ju nuk keni akses në revistat shkencore. Bulizmi është një tjetër shenjë e psikopatisë. Qeveria ka quajtur me rrallë, barkderra,larva, ngelësa etj.Bulizmi është një mjet që psikopatët kërkojnë të turpërojnë të tjerët , që të heqin përgjegjësinë e vetes. Unë kam qenë përsëritës në disa provime dhe më pas kam studiuar në universitetet më të mira.
Një tjetër shenjë e psikopatisë, është sharmi, dukja. Sa pedagogë marrin ryshfetë, jo nuk merren me këta, merren vetëm me pamjen. Qeveritë e këtyre viteve nuk ka qenë fare të ndjeshme mer ju. Qeveritë psikopatike nuk dënojnë askënd, por përmendin suksesin në mendjen e tyre, atë që ata fabrikojnë. Kjo është ata që bëjnë vazhdimisht dhe unë e ndjej dhimbjen tuaj. Sot jeni më të zgjuar, keni mbështetës më shumë, keni intelektualët që i keni me ju.
Një tjetër cilësi e psikopatizmit, është abuzimi me partnerin apo varësia me lëndët narkotike. Ata nuk kërkojnë në auditorë ata që kanë plagjiaturë, njerëz të paditur që nuk kanë aftësi të transmetojnë dituri. Rini kam një mesazh për ju, merrni gomën me vete. Fshini krimin në arsim, sillni dritën e diturisë në auditorë, luftoni për prindërit tuaj që luftojnë për ju gjithçka.
Ishte fat që isha mes jush. Ftoj ish-kryeministrin e Shqipërisë që të vijë së bashku me mua në sheh dhe të shohim se kë do mbështesë rinia. Ju përshëndes të gjithëve nga Zvicra” – tha Taulant Muka.
Më herët, ish-zv/ministri i Arsimit, Taulant Muka i kërkoi kryeministrit Edi Rama t’i kërkojë falje studentëve kur i quajti ngelësa në ditën e parë të protestës. Ndërsa i kërkoi, ministres Lindita Nikolla të japë dorëheqjen.
