Konflikti Izrael-Palestinë vazhdon të përshkallzohet, teksa një pjesë e madhe e shteteve kanë dalë në mbështetje të njërës apo tjetrës palë. Ndërkohë kryeministri i Izraelit, Benjamin Netanyahu, ka falenderuar gjithë vendet e tjera që kanë ofruar mbështetje për shtetin e tij, duke përfshirë Shqipërinë dhe Maqedoninë e Veriut. Shqipëria deri më tani nuk ka mbajtur anën e asnjërës palë në këtë konflikt që po vijon prej 7 ditësh, por kjo nuk e ka penguar kryeministrin izraelitë që të dalë e të bëjë të tillë deklaratë.
Në një postim në Twitter, duke radhitur flamurët e shteteve SHBA, Shqipëri, Maqedoni e Veriut, Gjermani etj, Netanyahu i falenderon për mbështetjen që ata kanë dhënë në atë që ai e cilëson si e “drejta jonë për t’u mbrojtur kundër sulmeve terroriste.”
🇺🇸🇦🇱🇦🇺🇦🇹🇧🇦🇧🇷🇧🇬🇨🇦🇨🇴🇨🇾🇨🇿🇬🇪🇩🇪🇬🇹🇭🇳🇭🇺🇮🇹🇱🇹🇲🇩🇳🇱🇲🇰🇵🇾🇸🇮🇺🇦🇺🇾
Thank you for resolutely standing with 🇮🇱 and supporting our right to self defense against terrorist attacks.— Benjamin Netanyahu – בנימין נתניהו (@netanyahu) May 15, 2021
Mes flamujve që Netanyahu ka radhitur, mungon ai i Kosovës, Ministria e Jashtme e së cilës doli në krah të Izraelit vetëm disa orë më parë.
“Si çdo shtet, Izraeli ka të drejtën dhe detyrimin që të mbrojë njerëzit nga mbi 2000 raketat e hedhura drejt civilëve nga Hamas-i, që po mban peng civilët palestinezë në këtë luftë. Ne vajtojmë për të gjitha viktima. Ne bëjmë thirrje për përmbajtje, ndalim të dhunës dhe kërkojmë zgjidhje paqësore”, u shpreh Ministria e Jashtmë e Kosovës në një deklaratë të Twitter.
As every state #Israel has the right and the obligation to defend its people against 2000+ rockets fired at civilians only by Hamas, who is holding Palestinian civilians hostage in its war. We mourn all victims. We urge for refrain, stop of violence & seeking peaceful solutions.
— MFA Kosova 🇽🇰 (@MFAKOSOVO) May 16, 2021
Ndërkohë theksojmë se deri më tani nuk ka pasur asnjë reagim nga shteti shqiptar për konfliktin, e kësisoj nuk ka pasur mbështetje për Izraelin e as për Palestinën. Nga ana tjetër vetë qytetarët shqiptarë dolën në mbrojtje të Palestinës ditën e djeshme duke organizuar një protestë në Sheshin Skënderbej. Qytetarët bënë thirrje për çlirmin e Palestinës dhe për t’i dhënë fund këtij konfilkti mes dy shteteve, që po merr jetën e qindra njerëzve.
