Ditën e djeshme, në media qarkulloi lajmi se aktorja dhe moderatorja e njohur, Rudina Dembacaj, i ka dhënë fund martesës së saj me partnerin, Aleksandër Varfaj.
Portali “Dosja.al” shkruante se prej një viti, Rudina nuk kishte publikuar asnjë foto të vetme me bashkëshortin në rrjete sociale. Madje, gjatë intervistave ajo i është referuar Aleksit si “babai i Viktorias”, vajzës së tyre.
E kontaktuar nga “iconstyle.al”, Rudina u shpreh se për momentin nuk dëshiron të flasë për këtë çështje, duke i lënë të gjithë kuriozë për martesën e saj.
Mirëpo, “Revista Bordo” ka publikuar disa foto të postimit të fundit të Aleksit në Instastory.
Ai ka filmuar Rudinën dhe të bijën në këndin e lodrave dhe videon e shoqëron me dy zemra të kuqe, duke lënë të kuptohet se asgjë nga ç’është shkruar këto ditë në media nuk është e vërtetë.
Mesa duket, martesa e çiftit vazhdon normalisht larg syrit të mediave dhe gjithçka ka qenë thjesht thashethem.
