Një shtet tjetër në SHBA po raporton se foshnjat amerikanë po përballen me shtrimin në spital për shkak të mungesës së formulës së bebave për ushqim. Zyrtarët po raportojnë se shumë bebe janë shtruar në Kujdesin Shëndetësor të Fëmijëve të Atlantës, sepse familjet e tyre nuk mund të gjenin ushqimin që u nevojitet foshnjave të tyre.
Atlanta Journal-Constitution raportoi: Një zëdhënës i “Children” tha së fundmi se të gjithë fëmijët e shtruar në spital kishin nevoja specifike dietike. Mund të jetë një proces i gjatë dhe i ndërlikuar për të gjetur një zëvendësues që plotëson nevojat ushqimore të foshnjave.
Spitali nuk pranoi të sigurojë një numër specifik të fëmijëve të shtruar në spital, por tha se disa u shtruan në spital në shkurt kur u mbyll një fabrikë me qumësht për bebe.
Lajmet për shtrimet në spital vijnë pasi mungesa e formulës së bebave për ushqim ka arritur një nivel të lartë.
Shtëpia e Bardhë dhe agjencitë federale këtë javë kanë ndërmarrë hapa për rihapjen e fabrikës “Abbott Nutrition” në Michigan, më e madhja në SHBA.
Më herët kjo fabrikë u mbyll, konkretisht në muajin shkurt, pas disa problemeve me ndotjen.
Megjithatë, “Abbott” ka shtuar së fundmi se mund të duhen të paktën dy muaj që furnizimi të kthehet në dyqane.
Mjekët dhe ekspertët e Shëndetësisë thonë se gjetja e zëvendësimeve nuk është e lehtë dhe madje mund të jetë e rrezikshme.
Shumë prindër janë të shqetësuar në lidhje me këtë ngjarje dhe kanë nevojë për një zgjidhje urgjente.
