Prej disa ditësh në media po përflitet për një lidhje dashurie mes boksierit Kristian Prenga dhe ish-banores së “Big Brother”, Rike Roçi.
Të gjithë i futi në dyshime urimi special që Rike i kishte bërë Kristianit për ditëlindje, krahas një fotoje ku kishin pozuar së bashku në kofanon e makinës.
“Ti, njeriu me zemrën më të madhe që kam njohur në jetën time… Të uroj që Zoti të ndriçojë jetën tënde duke të udhëhequr gjithmonë në rrugën e lumturisë. Gëzuar ditëlindjen dhe që kjo datë të përsëritet për shumë vite të gjata, të mbushura me paqe gëzim, shëndet dhe suksese. Ta dua shpirtin”, shkruante Rike.
Ky dedikim super i veçantë i bëri të gjithë të mendonin se Rike konfirmoi lidhjen me boksierin, mirëpo nëpërmjet një statusi të gjatë ajo mohoi gjithçka, duke treguar se kurrë s’do të fliste për jetën e saj private.
Pas saj reagoi edhe Kristian Prenga, i cili një status në InstaStory tregon se e ka vetëm shoqe dhe asgjë më shumë.
“Mirë që jau paska konfirmu juve se mua akoma s’më ka konfirmu asigja. Vërtet jeni njerëz të çuditshëm, njerëz të ligj.
S’keni ça me ba edhe merreni kot me njerëzit. Po pyetni njëherë përpara se ta bëni lajmin, sepse s’ja keni idenë fare se çfarë kam unë me atë ose kush do që të ishte në vendin e Rikes, hall me dal edhe me shoqe ose shok se na martoni direkt ju. Turp t’ju vijë.”- shkruan boksieri.
