Në vitin 2012, aktorja Kristen Stewart i kërkoi falje publike kolegut të saj të “Twilight”, Robert Pattinson, i dashuri i saj për gati katër vjet, pasi ishte fotografuar duke puthur drejtorin Rupert Sanders.
“Kjo pamaturi e çastit ka rrezikuar gjënë më të rëndësishme në jetën time, personin që dua dhe respektoj. E dua, e dua atë. Më vjen shumë keq Rob”, tha ajo.
Por sot pas 5 vjetësh, aktorja ka treguar arsyen e vërtetë përse romanca e tyre përfundoi:
“Njerëzit donin aq shumë që unë dhe Rob të ishim bashkë, saqë marrëdhënia jonë u kthye në një produkt”, shpjegon Stewart për “T Magazine” në një intervistë të publikuar dje.
“Nuk ishte më jetë e vërtetë dhe ishte e shpifur për mua. Nuk është se unë dua të fsheh atë që jam, ose të fsheh diçka që unë jam duke bërë në jetën time. Është se unë nuk dua që të bëhem pjesë e një historie më funksion argëtimin”.
Stewart gjithmonë ka kërkuar që të ekspozojë veten. “Unë dua të kuptohem dhe të më shohin dhe dua ta bëj këtë në mënyrën më të pastër dhe më të lirë që mundem”.
Tani që shoqërohet me femra, ajo thotë se është një mundësi për ta bërë këtë gjë:
“Unë kurrë nuk do të flas për ndonjë nga marrëdhëniet e mia të mëparshme, por tani që kam filluar të shoqërohem me vajza, duket sikur ka një mundësi për të përfaqësuar diçka në të vërtetë pozitive. Unë ende dua ta mbroj jetën time personale, por unë nuk dua të duket si jam duke mbrojtur idenë, kështu që ndihem sikur u kam borxh diçka njerëzve”.
