Ishin partner në jetë dhe në biznes, por rrugët e tyre duket se janë ndarë! Ditën e sotme mediat shkruan se martesa mes Eneda Tarifës dhe bashkëshortit të saj të 18 viteve, Erjon Zaloshnjës, ka marrë fund.
Rrjetet sociale arrijnë të zbulojnë edhe pa qëllim shumë detaje për jetën personale. Ne të “iconstyle.al” zbuluam 4 shenja, që nuk i kishim vënë re më parë, të cilat dëshmojnë ndarjen e çiftit.
1.
Pavarësisht se një personazh publik, Tarifa dy vitet e fundit nuk ndante shumë foto krah tij.
Fotografia e fundit e bashkëshortit, që këngëtarja ka postuar në profilin e saj në “Instagram” daton më 6 maj të 2015-s. Ndërsa krah saj ka bërë një dedikim: “Jeta ime. Një herë vjen Ai”. Më herët postimet e saj më bashkëshortin ishin të shpeshta.
2.
Prej vitesh bashkëpronarë të një klubi të njohur në Tiranë, nga maji i vitit të kaluar Eneda ndaloi së kënduari për klientët e tij.
Më 17 maj është postimi i fundit i lokalit ku njoftohet se në skenë do të ngjitet edhe Eneda Tarifa, bashkë me Aleksandër Gjokë, Elton Dedën dhe Erjon Zaloshnjën.
Më vonë, më 23 shtator, ajo publikoi foto duke performuar në një prej lokaleve konkurrente, ku vazhdon ende të këndojë.
3.
Shumë detaje arrimë t’i kuptojmë tani pasi mësohet për ndarjen e çiftit dhe një prej tyre është edhe fakti se, Eneda nuk u shoqërua nga bashkëshorti në dasmën e Bes Kallakut me Xhensila Myrtezajn.
Ajo bëri me dije përmes një fotoje se ndodhej një ditë më parë në ceremoninë e kurorëzimit të çiftit. Në tavolinën ku ishte vendosur ndodheshin edhe dy çifte të tjera, mes tyre aktori Florjan Binaj me bashkëshorten.
“Vetëm Ola mungon me arsye”, shkruan Eneda për bashkëshorten e koreografit dhe balerinit, Esdalin Gorani, Olën, e cila ishte në javët e fundit të shtatzënisë. Kjo na lë të kuptojmë se nuk mungon ish-partneri Erjon Zaloshnja.
4.
Diçka që vërteton më tej ndarjen e çiftit lidhet me pushimet verore.
Në fund të gushtit, Eneda u fotografua nga aparati i “iconstyle.al”, bashkë me të bijën Arian dhe dy të afërm, me të cilët po shijonte ditët e fundit të verës në plazhin e Livadhit.
Nga fotot e publikuar dhe nga raportimet që erdhën në redaksinë e “iconstyle.al”, u tha se këngëtarja nuk shoqërohej nga bashkëshorti.
