Irisi dhe Lea thanë se do të ishin gjithnjë mikesha mjaft të mira me njëra-tjetrën, por mesa duket gjërat kanë ndryshuar. Tashmë ato kanë patur një debat dhe miqësia e tyre është krisur.Vajzat thanë në fillim se nuk do të lejojnë asnjë mashkull që të prishë raportin e tyre.
Por tashmë debati i tyre ka patur në fokus Petron. Madje, Irisi i kërkoi llogari atij se përse ka qenë mjaft i afruar me Lean në festën e “Top Media”-s. Madje Irisi tha se është mërzitur shumë kur pa mikeshën e saj të kërcente me Petron. Kujtojmë që Irisi ka shprehur pëlqim për Petron.
“Unë nuk kërceva me Mateon, se e di që është djali që ti pëlqen, ndërsa tregove të kundërtën”, theksoi ajo.
Mirëpo Lea menjëherë tha se me Petron kanë kërcyer thjesht si miq. Por këtu nuk përfundon e gjitha. Lea dhe Petro pranuan se kanë një pëlqim për njëri tjetrin.
“Nëse ke pëlqim për mua, ma thuaj dhe të zgjedhë Petro pastaj kë do”, i tha Irisi.
Kjo situatë solli një atmosferë të papritur tek konkurrentët dhe madje edhe tek opinionistët. Vajzat tashmë kanë prishur miqësinë e tyre edhe pse në fillim thanë se asnjëherë nuk do të prishin raportin që kanë për një mashkull.
