Një ngjarje e rëndë është shënuar në Piacenza, Itali, ku një shqiptar 57-vjeçar ka vrarë me thikë bashkëshorten në prani të djalit të tij 17-vjeçar.
Krimi ka ndodhur pasditen e së dielës, 27 maj 2018, rreth orës 16:00. Xhevdet Mehmeti i preu fytin të shoqes, duke u shkaktuar vdekjen e saj të menjëhershme.
Në vendngjarje mbërriti menjëherë dhe djali tjetër 19-vjeçar, ndoshta i lajmëruar në telefon nga i vëllai, por policia nuk e lejoi atë të shihte skenën e krimit, pavarësisht insistimit të tij.
Mediat italiane shkruajnë se autori i krimit fillimisht u largua nga shtëpia, por pastaj u dorëzua në rajonin më të afërt të policisë në Beverora Avenue.
Djali tregoi se kishte dëgjuar britmat e nënës së tij, por nuk ishte në gjendje të ndërhynte për të ndaluar babanë, duke u bërë dëshmitar në vrasjen e së ëmës.
Xhevdet Mehmeti, me profesion mekanik, ishte i papunë. Familja kishte vështirësi në pagimin e taksave të bashkëpronësisë.
Grindjet ishin të zakonshme ndërsa disa muaj më parë, një ambulancë kishte ndërhyrë për të shpëtuar gruan.
