Një krim i rëndë në familje ka tronditur Durrësin në mesnatë.
Një 45-vjeçar ka vrarë me thikë bashkëshorten e tij në Xhafzotaj të Durrësit, rreth orës 23:55.
Policia bënë me dije se shtetasi me inicialet L.C., banues në Xhafzotaj, në banesën e tij, për motive të dobëta ka qëlluar me mjet prerës thikë, bashkëshorten e tij.
Ajo është shtetasja me inicialet M.C., 33 vjeçe, e cila për pasojë ka ndërruar jetë.
Krimi ka ndodhur në sy të tre fëmijëve dhe mësohet se autori fill pas krimit, është larguar nga banesa dhe policia është vënë menjëherë në kërkim të tij.
