Tashmë, sistemin e pagesave publike në Shqipëri do ta kontrollojë një koncesionar privat! Koncesioni i jep të drejtë kompanisë private që të përfshijë edhe pagesën e taksave, tarifave dhe çdo detyrimi. Pra të gjithë buxhetin e shtetit!
“Për çdo pagesë që do të kryhet nga qytetarët apo bizneset në drejtim të shtetit, kompania koncesionare do të mbajë komision. Ky është një biznes gjigand”- shprehet Klodian Tomorri, që ka denoncuar prej kohësh këtë vjedhje të çmendur.
Koncesioni që është përpjekur të mbahet i fshehtë, do të përmbajë certifikatën e fiskalizimit dhe nënshkrimin elektronik, një shërbim që llogaritet rreth 10 milionë euro në vit.
“Iconstyle” ka siguruar dokumentacionin e gjerë që përfshin ftesën për ofertë që Ministria e Financave u ka dërguar 6 kompanive shqiptare, si dhe studimin paraprak të fizibilitetit të koncesionit.
“Certifikata e fiskalizimit dhe nënshkrimi elektronik janë pjesa më e vogël e këtij koncesioni. Llokma më e madhe është monopoli i sistemit kombëtar të pagesave publike,” tha një burim i mirëinformuar, në kushtet e anonimatit.
“Limiti është qielli. Ky koncesion mund të shkojë 300, 400, 500 milionë euro në 10 vjet. Por edhe më shumë. Gjithçka varet nga numri i shërbimeve për të cilat qeveria do të bëjë me detyrim nënshkrimin apo vulosjen elektronike. Dhe kjo nuk ka kufij”- Burimi anonim për “kapitali.al”.
Ekskluzivisht për ‘Iconstyle’, eksperti i IT, Gent Progni tregoi më herët materialet që fundosin qeverinë, pasi mjafton vetëm një kod falas nga Microsoft apo ChatGPT, për të kryer procedurën që gjeneron 100 milionë euro.
Duket se qeveria s’ka ndërmend të tërhiqet nga kjo aferë e madhe korruptive, megjithëse të gjitha koncesionet e hetuara nga SPAK deri tani, kanë rezultuar vjedhje të hapura!
