Enca festoi këtë të premte ditëlindjen e 23-të, me motrën e saj Uindi, në Paris. Pa shoqërinë dhe pjesëtarët e tjerë të familjes, këngëtarja shqiptare vendosi që të priste ditëlindjen në një mënyrë ndryshe, larg Shqipërisë.
Por surpriza që ishte përgatitur nga e motra e emocionoi pafund Encën. Uindi kishte mbushur me petale trëndafilash të kuq hyrjen e dhomës së hotelit dhe krevatin, ndërsa mbi të qëndronte edhe shampanja.
Por nuk mbaron me kaq, pasi ajo i kishte bërë dhuratë edhe një buqetë të madhe me trëndafila rozë.
Pjesë e paketës së dhuratës ishte edhe korniza me foton e dy motrave, në dedikimin e së cilës shkruhej me gjysmën time.
Po ashtu mbi shtrat dallohet edhe një paketim dhurate nga “Swarovski”, të cilën këngëtarja do të na e zbulojë kur ta vendosë.
